Chama cha Demokrasia na Maendeleo (CHADEMA), kimesema wagombea wa nafasi za kitaifa hawaruhusiwi kukutana na wapiga kura walioko mikoani, ili kuepuka mianya ya rushwa

Mkurugenzi wa Oganaizesheni na Uratibu wa Kanda wa CHADEMA, Bw Benson Kigaila, amesema hayo jana wakati akizungumza na waandishi wa habari makao makuu ya chama hicho jijini Dar es Salaam.

Hata hivyo amesema zoezi la kuchukua na kurejesha fomu kwa nafasi za kitaifa limeongezewa hadi Agosti 30 mwaka huu badala ya Agosti 25 iliyokuwa imetangazwa awali.

Amesema kuwa bado kuna chaguzi mbalimbali zinafanyika ngazi za mikoa, hivyo sekretarieti ya chama hicho iliyokutana Dar es Salaam juzi, iliamua kuongeza ili wagombea wengine watakaoshinda kwenye ngazi za mikoa, wapate pia fursa ya kugombea nafasi mbalimbali za kitaifa.