WAANDISHI WA HABARI WAHIMIZWA KUTUMIA KALAUM ZAO KUTOA ELIMU KWA WAZAZI NA WALEZI JUU YA MADHARA YA UTORO MASHULENI

Mwenyekiti wa chama cha ACT- Wazalendo, Bi Anna Mughwira amewahimiza waandishi wa habari mkoani Singida kutumia taaluma yao kuwaelimisha wazazi na walezi juu ya madhara watakayopata wanafunzi watoro,ili waweze kutoa ushirikiano wa kukomesha vitendo hivyo.

Amesema vitendo vya utoro na mimba kwa wanafunzi havivumiliki,kwa madai vinasababisha wahusika kukosa haki yao ya msingi ya kupata elimu.

Kwa hali hiyo,mwenyekiti huyo amewataka waandishi wa habari kuwa mstari wa mbele kukomesha vitendo vya utoro mashuleni.

Aidha,ameitaka radio standard ya mjini hapa,kuangalia uwezekano wa kuandaa kipindi maalum kwa ajili ya kutoa elimu juu ya madhara yanayosababishwa na  utoro mashuleni.